ఎన్నో ఒడిదుడుకుల సంద్రంలో , తీరం చేరాలన్న ఒక 'అల' ప్రయాణం ఇది.. తన భావాల్ని ఒక గుండెకు చేర్చాలన్న ఒక ప్రేమికుని ఆరాటం ఇది.. ప్రేమలో గెలవలేకపోయినా ప్రేమికుడిగా గెలిచానంటున్న ఒక ప్రేమికుడి సహనం...ప్రేమకధ...కొన్ని వాక్యాల్లో.
నా కన్నులకి ఆశ నిన్ను చూడాలని.. నా చెవులకి ఆశ నీ మాట వినాలని.. నా పెదవులకి ఆశ నీతో మాట్లాడాలని.. నా కరములకి ఆశ నిన్ను తాకాలని.. నా పాదములకి ఆశ నీతో నడవాలని.. నా మనసుకి ఆశ నీతో స్నేహం చెయ్యాలని.. నా హృదయానికి ఆశ నీలో స్థానం కావాలని.. నాకు ఆశ నువ్వెల్లప్పుడు నవ్వుతూ ఉండాలని.
ఆకాశం అంచులు తాకే ఈ ఆనందం నాలో ఈ వేళ..సొంతం నీ వల్ల.. ఎటు చుసినా నువ్వే.. నా కనుపాపలలో నీ రూపే.. నా ఎద నిండా నీ ఊహలే.. నీతో గడిపిన ఆ నిమిషాలన్నీ నాలో మోఘే గుండెల సవ్వడులే.. ఈ మరపురాని అనుభూతులతో నే జీవిస్తా కలకాలం సంతోషంగా..